'ശാന്തസ്വരൂപിണിയായ ദേവി മുതൽ മഹാകാളിയായി വരെ' മേക്കോവറുകൾ നടത്തിയ ടെലിവിഷൻ താരങ്ങൾ!

നവരാത്രി സ്പെഷ്യലായി സീരിയൽ നടിയും ബി​ഗ് ബോസ് സീസൺ ഫോർ മത്സരാർഥിയുമായിരുന്ന സുചിത്ര നായരും മേക്കോവർ ഫോട്ടോഷൂട്ടുകൾ നടത്തിയിരുന്നു. സരസ്വതി ​ദേവിയായി വേഷമണിഞ്ഞാണ് സുചിത്ര ഫോട്ടോഷൂട്ട് നടത്തിയത്. 

മിനി സ്ക്രീൻ പ്രേക്ഷകർക്ക് സുപരിചിതയായ നടിയാണ് അമല ഗിരീശന്‍. സീ കേരളത്തില്‍ സംപ്രേക്ഷണം ചെയ്തിരുന്ന ചെമ്പരത്തി എന്ന സീരിയലാണ് താരത്തിന് കേരളത്തിൽ ആരാധകരെ സമ്പാദിച്ച് കൊടുത്തത്. കാളി അവതാരത്തിൽ മേക്കോവർ നടത്തിയാണ് അമല ഫോട്ടോഷൂട്ട് ചെയ്തത്. 

കേരളത്തെ പിടിച്ച് കുലുക്കിയ സോളാർ കേസില്‍ സരിത, ബിജു രാധാകൃഷ്ണന്‍ എന്നിവരോടൊപ്പം നിറഞ്ഞ് കേട്ട പേരായിരുന്നു നടിയും നർത്തകയുമായ ശാലൂ മേനോന്റേത്. കേസുമായി ബന്ധപ്പെട്ട് 41 ദിവസത്തോടെ താരത്തിന് ജയിലില്‍ കിടക്കേണ്ടിയും വന്നു. താരവും നവരാത്രി സ്പെഷ്യലായി ശക്തി അവതാരത്തിൽ മേക്കോവർ നടത്തി ഫോട്ടോഷൂട്ട് ചെയ്തിരുന്നു. 

നടിയും മോഡലുമായ രചന നാരായണൻ കുട്ടി ഒരു വർഷം മുമ്പ് കാളിയായി മേക്കോവറുകൾ നടത്തി സിനിമാപ്രേമികളെ ഞെട്ടിച്ചിരുന്നു. അന്ന്  ആ ചിത്രങ്ങൾ വലിയ രീതിയിൽ ശ്രദ്ധിക്കപ്പെട്ടിരുന്നു. 

നവരാത്രിയുമായി ബന്ധപ്പെട്ട് സീരിയൽ താരം ​ഗൗരി കൃഷ്ണനും ദേവിയായി മേക്കോവറുകൾ നടത്തിയിരുന്നു. ഫോട്ടോഷൂട്ട് ചിത്രങ്ങൾ പ്രത്യക്ഷപ്പെട്ടതോടെ നിരവധി പേരാണ് ​ഗൗരിയെ പ്രശംസിച്ച് എത്തിയത്. 

വാസന്തിയും ലക്ഷ്മിയും പിന്നെ ഞാനും അടക്കമുള്ള നിരവധി സിനിമകളിലൂടെയും സീരിയലുകളിലൂടെയും പ്രേക്ഷകർക്ക് സുപരിചിതയായ നടിയാണ് പ്രവീണ. നിരവധി സീരിയലുകളിൽ ദേവിയായി അഭിനയിച്ചിട്ടുണ്ട് പ്രവീണ. ‌

ബി​ഗ് ബോസ് മലയാളം സീസൺ 4 വിജയിയായ ദിൽഷ പ്രസന്നൻ സെലിബ്രിറ്റി ഫോട്ടോ​ഗ്രാഫർ മഹദേവൻ തമ്പിക്കൊപ്പം ചേർന്ന് മഹാ കാളി മേക്കോവർ നടത്തി ഫോട്ടോഷൂട്ട് ചെയ്തിരുന്നു. ചിത്രങ്ങളെല്ലാം അന്ന് വൈറലായി മാറിയിരുന്നു.