കുഞ്ചാക്കോ ബോബൻ മുതൽ കാവ്യാ മാധവൻ വരെ; വിഷാദരോഗത്തിലൂടെ കടന്നുപോയ മലയാള താരങ്ങൾ

മനുഷ്യരെ എപ്പോൾ വേണമെങ്കിലും പിടിപെടാവുന്ന അവസ്ഥയാണ് വിഷാദം. പലപ്പോഴും പലരും തിരിച്ചറിയാതെ പോകുന്ന, അറിഞ്ഞാൽ തന്നെ തുറന്നു പറയാൻ അൽപം മടിക്കുന്ന രോഗാവസ്ഥയെ അതിജീവിച്ച, അത് തുറന്നു പറഞ്ഞ നിരവധി താരങ്ങൾ മലയാളത്തിലുണ്ട്. കുഞ്ചാക്കോ ബോബൻ, കാവ്യാ മാധവൻ, പാർവതി തിരുവോത്ത് എന്നിവരടക്കമുള്ളവർ ഇതിലുണ്ട്. 

പാർവതി തിരുവോത്ത് - തനിക്ക് അഞ്ച് വർഷക്കാലം വിഷാദരോഗമായിരുന്നു എന്ന് തുറന്നുപറഞ്ഞ നടിയാണ് പാർവതി തിരുവോത്ത്. ഒരു ഓൺലൈൻ മാധ്യമത്തിന് നൽകിയ അഭിമുഖത്തിലാണ് പാർവതി ഇക്കാര്യം പറഞ്ഞത്.

കുഞ്ചാക്കോ ബോബൻ - താനും ഭാര്യ പ്രിയയും 14 വർഷത്തോളം ഡിപ്രഷൻ അവസ്ഥയിലേക്ക് പോയിട്ടുണ്ടെന്നും മകൻ ഇസഹാഖ് വന്നതോടെയാണ് അത് മാറിയതെന്നും കുഞ്ചാക്കോ ബോബൻ പറഞ്ഞിട്ടുണ്ട്.

അമല പോൾ - കാൻസർ രോഗം ബാധിച്ച് അച്ഛൻ മരിച്ചതിന് പിന്നാലെ തനിക്കും അമ്മയ്ക്കും വിഷാദരോഗം ആയിരുന്നുവെന്ന് അമല പോൾ തുറന്നുപറഞ്ഞിട്ടുണ്ട്. 

അർച്ചന കവി - താൻ വിശരോഗത്തിലൂടെ കടന്നു പോയിട്ടുണ്ടെന്ന് തുറന്നു പറഞ്ഞ നടിമാരിൽ ഒരാളാണ് അർച്ചന കവി. സോഷ്യൽ മീഡിയയിൽ ഒരു ക്യാമ്പയിനും അർച്ചന നേതൃത്വം കൊടുത്തിരുന്നു. 

സനുഷ സന്തോഷ് - നടി സനുഷ സന്തോഷ് ലോക്ക്ഡൗൺ കാലഘട്ടത്തിൽ താൻ ഡിപ്രഷനിൽ ആയിരുന്നെന്നും സഹോദരനും നടനുമായ സനൂപിന്റെ സഹായത്തോടെയാണ് അതിനെ മറികടന്നതെന്നും  വെളിപ്പെടുത്തിയിരുന്നു.

ഷെയിൻ നിഗം - കുമ്പളങ്ങി നൈറ്റ്സ് എന്ന ചിത്രത്തിന് ശേഷം താൻ ഡിപ്രഷനിൽ ആയിരുന്നെന്ന് ഷെയിൻ നിഗം തുറന്നു പറഞ്ഞിട്ടുണ്ട്. 

സമീറ റെഡ്ഢി - കുഞ്ഞ് ജനിച്ച ശേഷം താൻ പോസ്റ്റുപാർട്ടം ഡിപ്രഷനിലൂടെ കടന്ന് പോയതായി സമീറ റെഡ്ഢി വെളിപ്പെടുത്തിയിരുന്നു.