தெலுங்கானா முதல்வரை திடீரென சந்தித்த விஜய்...அசத்தல் போட்டோஸ்

நடிகர் விஜய் தற்போது டைரக்டர் வம்சி பைடபள்ளி இயக்கும் தளபதி 66 படத்தில் நடித்து வருகிறார்.

கடந்த சில வாரங்களாக ஐதராபாத்தில் இந்த படத்தின் இரண்டாவது மற்றும் மூன்றாவது கட்ட ஷுட்டிங் நடத்தப்பட்டு வருகிறது.

ஐதராபாத்தில் உள்ள அன்னபூர்ணா ஸ்டூடியோவில் தளபதி 66 ஷுட்டிங் நடத்தப்பட்டு வருகிறது.

இந்நிலையில் விஜய் மற்றும் வம்சி பைடபள்ளி ஆகியோர் தெலுங்கானா முதல்வர் சந்திரசேகரராவை நேரில் சென்று சந்தித்துள்ளனர்.

மரியாதை நிமித்தமாக இந்த சந்திப்பு நடைபெற்றதாக கூறப்படுகிறது. இந்த சந்திப்பின் போது எம்பி.,யும் சந்திரசேகர ராவின் உறவினருமான சந்தோஷ் குமார் உடன் இருந்துள்ளார்.

நடிகர் விஜய்யை சந்திரசேகர ராவ் பூங்கொத்து கொடுத்து வரவேற்றார். விஜய்க்கு பொன்னாடை போர்த்தியும், நினைவுப்பரிசு வழங்கியும் கெளரவித்தார்.

க்ரீன் இந்தியா திட்டத்திற்கு ஆதரவு தெரிவித்ததற்காக விஜய்க்கு, எம்பி சந்தோஷ் நன்றி தெரிவித்துள்ளார்.

முதல்வர் அலுவலகமான பிரகதி பவனில் இந்த சந்திப்பு நடைபெற்றது.

தெலுங்கானா முதல்வருடனான விஜய்யின் திடீர் சந்திப்பு அரசியல் வட்டாரத்தில் சலசலப்பை ஏற்படுத்தி உள்ளது.